96年亦都曾經到Newmarket參觀, 之後一直未有機會, 05年終於有機會再到此一遊
去之前要預先book定嗰半日團, 行程包括:
1. 參觀馬匹操練情況
2. 參觀馬匹游泳池
3. 參觀馬房
4. 參觀賽馬博物館
嗰tour都幾受歡迎, book咗幾次完book到. 出發當日, 由於我住的地方沒有火車直達Newmarket, 要先到Cambridge才有火車往Newmarket, 但我住的地方又沒有火車直達Cambridge, 所以當日早上5:00am已經要出發, 乘差不多2.5小時火車到Cambridge, 再轉火車往Newmarket.
8.00am到達目的地, 一落車, 嗰火車站勁細, 簡單嚟講嗰個唔算係一個火車站, 只係得一個月台(長度大約 = 香港一卡地鐵), 月台上有兩部電視提供火車資料, 一個類似足球場後備席的有蓋座椅, 及一塊告示牌, 告示牌上有的士電話, 唔識路可以book cab.
要先去賽馬博物館報到, 由火車站步行往賽馬博物館大約需要15-20分鍾. 到達賽馬博物館, 一行大約12人, 齊人8:30am準時出發. 由博物館職員帶領乘小巴先往一個小型馬房, 參觀馬匹游泳池.
第二站往Newmarket既訓練基地 – The Heath. The Heath有多條操練跑道, 有上斜、落斜、草地泥地應有盡有.
第三站往Michael Jarvis馬房參觀, 當年馬房明星馬有05年橡樹冠軍ESWARAH及曾到港參加國際賽既發達蹄. 由Michael Jarvis既副練帶我們參觀. 最深印象就係一間配備房, 內裏其中一個衣櫃擺放著馬房內所有馬匹既綵衣. 跟香港不同, 在英國出賽馬房需要自備綵衣.
05年橡樹冠軍ESWARAH
最後一站返回賽馬博物館, 可惜館內不准拍照, 除了其中一個展館, 幸好入場免費贈送場刊一本, 內有所有展品既照片.
唯一一個展館可以拍照, 亦是我最喜歡的一個展館 – 展出騎師現實的生活, 其中一塊展板顯示出嘉遜因墮馬而受傷的情況. 最真實當然係要上馬感受一下騎師鞍上策馬揚鞭的感覺!
賽馬博物館旁為馬會總部舊址
之後自己再行去Heath附近參觀, 見到有兩匹馬剛操練完畢
馬匹踱步圈
告示版顯示開放中的操練跑道
沒有留言:
發佈留言